Ermənistanın ordusu, ictimai və siyasi mühiti parçalamaq ərəfəsindədir-DEPUTAT

Ölkədə və orduda mövcud vəziyyət Paşinyan hakimiyyətinə reallıqla barışmaqdan başqa çıxış yolu saxlamayıb. Artıq Paşinyan müxtəlif vasitələrlə, ayrı-ayrı vasitəçilərin imkanlarından istifadə etməklə Azərbaycan Prezidenti İlham Əliyevlə təmas qurmağa çalışır.

Bununla bağlı Sonxeber.az-a danışan deputat Musa Quliyev bildirib ki, Paşinyan qeyri-ciddi addımdır və o, siyasi, dövlət xadimi keyfiyyətlərindən məhrum bir şəxsdir:

"Onun hansı addım atacağı bilinmir. Baxmayaraq ki, onun partiyasının adı "Mənim addımım"dır . Paşinyan olduqca böyük səhvlər edib. Bu, səhvlər nəyinki Paşinyanın, hətta Ermənistan dövlətinin sonunu gətirə bilər. Nikol Paşinyan Azərbaycanla düzgün danışıqlara getmədi və doğru mövqedə dayanmadı. O, gah Azərbaycanı hədələdi, gah Qarabağ Ermənistandır dedi, gah da biz əlavə torpaqlar tutacağıq dedi. Nəhayət ki, Azərbaycanın onu etdiyi hərəkətlərə cavab verilir".

Deputat qeyd edib ki, bu gün Erməistanın ordusu, iqtisadiyyatı, ictimai və siyasi mühiti dağılmaq, parçalamaq ərəfəsidədir:

"Ermənistanda çox dərin böhran yaşanmaqdadır. Bu böhran nəticəsində Paşiyanın özünündə faciəsi başlayıb. Ona görə də onlar qeyri-adekvat hərəkətlər edirlər. Paşinyan gah xaricdə yaşayan ermənilərə müraciət edərək, diasporada yardım istəyir, onlardan Dağlıq Qarabağda vuruşmaqlarını tələb edir.

Bir tərəfdən də Paşinyan müxtəlif yollarla, ictimai xadimlər, təşkilatlar və dövlət başçıları vasitəsilə cənab prezindetə yalvarır ki, atəşkəs elan olunsun, danışıqlara getməyə və şərtləri qəbul etməyə hazır olduğunu söyləyir. Paşiyanın erməni xalqına verdiyi sözlərlə reallıq bir-biri ilə zidiyyət təşkil edir. Qarabağ Azərbaycandır deyib, Şuşada andiçmə mərasimi keçirəndə, yalançı parlametlərini Şuşaya köçürəndə o, bilmirdi ki, Azərbaycan xalqı bunun itiqamını ondan alacaq. Hazırda almaqdadır".

Deputat vurğulayıb ki, Paşinyanın sonu demək olar ki, çatmaqdadır:

"Ermənistanın keçmiş prezidetləri birləşib, onu devirməyə çalışırlar. Artıq əsgər anaları çöllərə axışaraq oğullarının meyitini tələb edir və övladlarının itiqamını ondan alırlar. Burada söhbət təkçə Paşiyanın şəxsi faciəsindən getmir. Bütövlükdə Ermənistanın siyasi elitasının məğlubiyyətindən və gələcəkdə mövcud olub, olmamasından söhbət gedir. Ermənistanın iqtisadiyyatı bərbad gündədir, ordu tamamilə dağılıb, insanlar arasında çox ciddi panika və ruh düşkünlüyü var.

Dağlıq Qrabağdakı erməniləri silah gücünə orada saxlayırlar. Sakitlik yaranan kimi nəyinki Dağlıq Qrabağda, heç Ermənistanda bir dənə də erməni qalmayacaq. Bunu artıq Paşinyan dərk edir. Ona görə də müxtəlif yollarla cənab prezidentə yalvarır ki, sülh olsun və qoyduğumuz şərtlərlə razı olduğunu söyləyir. Azərbaycan şərtini aydın şəkildə ortaya qoyur. Erməni quldurları torpaqlarımızdan rədd olub getməlidir. Əvvəlki kimi daha status-kvo və təmas xətti yoxdur. Artıq təması Ali Baş Komandan və Azərbaycan ordusu müəyyən edir. Nəyinki Dağlıq Qarabağda bütün cənubi Qafqazda sülh olacaq. Bu sülhü də Ali Baş Komandan və Azərbaycan ordusu gətirəcək".

Aysel Yusifqızı

Telegramda izləyin

instagramda izləyin