Koronavirusun yeni əlamətləri ortaya çıxır- Adil Qeybulla

Xəbər verdiyimiz kimi dünən Azərbaycanda koronavirusa yoluxanların sayı 647 nəfər olub. Məhz buna görə də bugündən etibarən metronun, orta məktəblərin və ali təhsil müəssisələrin fəaliyyəti dayandırılıb.

Bununla bağlı Sonxeber.az-a danışan professor Adil Qeybulla bildirib ki, karantin rejiminin sərtləşdirilməsi vacib idi. Təəssüf ki, insanlarımız karantin davranışlarını gözləmirlər. Hətta soruşanlar var ki, həqiqətən bu virus var? Son günlər Qarabağ savaşı başlayandan pandemiya arxa plana keçib. İnsanlar karantin davranışlarına əməl etmirlər. Xüsusilə də orta məktəblərdə dərslər başlayandan sonra belə vəziyyət yarandı. Əslində virus mutasiyaya uğrayıb, yeni əlamətləri ortaya çıxır.

Artıq uşaqlar arasında bu virusa yoluxanların sayı artmaqdadır. Bu baxımdan ya vətəndaşlar məsuliyyətli olub karantin qaydalarına, xüsusilə də qapalı məkanlarda əməl etməlidir, ya da sərt tədbirlərə gedilməlidir. Çünki Qarabağ savaşı zamanı biz imkan verməməliyik ki, pandemiya belə geniş yayılsın. Biz hər birimiz çalışmalıyıq ki, pandemiya ön cəbhəyə keçməsin".

Aysel Yusifqızı

Telegramda izləyin

instagramda izləyin