Koronavirusa qarşı ETİRAZ EDİB körpünü YANDIRDILAR- VİDEO

Hollandiyada koronavirus məhdudiyyətlərinə qarşı etirazlar səngimir, getdikcə daha çox vətəndaş müharibəsi qorxusu hiss olunmağa başlayır.

Sonxeber.az xarici mətbuata istinadən xəbər verir ki, başda paytaxt Amsterdam şəhəri olmaqla bir çox şəhərdə başlayan etirazlar idarəolunmaz hala gəlib. Hətta etirazlar səbəbilə sosial mediada paylaşılan videoda körpünün uçurulduğu iddia edilib.

Koronavirus epidemiyasına görə məhdudiyyətləri sərtləşdirən Hollandiyada birdən çox şəhərdə etiraz aksiyaları başlayıb, yüzlərlə insan paytaxt Amsterdam və Eindhoven şəhərlərində küçələrə axışıb. Məhdudlaşdırma əleyhinə etiraz aksiyaları Lahey şəhərinə də yayılıb. Nümayişçilər polis motosikletini yandırarkən polislə toqquşub.

Amsterdam və Eindhovendəki etiraz aksiyalarına polis təzyiqli su və gözyaşardıcı qazla müdaxilə edib və hadisələrdə ən az 30 nəfər nəzarətə alınıb.

Qeyd edək ki, Hollandiyada keçən ilin dekabr ayından etibarən bazarlar, çörəkbişirmə müəssisələri və apteklər, məktəblər bağlanılıb. Ölkədə epidemiyaya qarşı mübarizə çərçivəsində 9 fevrala qədər komendant saatı elan edilib.

Ötən həftə Hollandiyada keçirilən qadağan əleyhinə nümayişlərdə 143 nəfər nəzarətə alınıb.

Şəlalə Babayeva

Telegramda izləyin

instagramda izləyin