Ramazan bayramında karantin rejimi sərtləşdirilə bilər - AÇIQLAMA

Azərbaycanda koronavirusa yoluxanların və ölənlərin sayı artmaqda davam edir. Belə ki, aprelin 7-də koronavirus infeksiyasına 2595 yeni yoluxma faktı qeydə alınıb, 1073 nəfər müalicə olunaraq sağalıb və evə buraxılıb. Son sutkada 37 nəfər COVID-19-dan vəfat edib. Yoluxanların sayının artması yenidən qapadılamalara gediləcəyi ilə bağlı fikirlərin ortaya çıxmasına səbəb olub. Hətta Ramazan bayramında karantin rejiminin sərtləşəcəyi ilə bağlı fikirlər də səsləndirilir. Ramazan bayramında karantin rejimi sərtləşdirilə bilərmi?

Bununla bağlı Sonxeber.az-ın sualını cavablandıran professor Adil Qeybulla bildirib ki, əgər o vaxta qədər yoluxma sayı artarsa və vəziyyət pisləşərsə, karantin rejimi sərtləşə bilər:

"Bu epidemioloji vəziyyətdən asılı olacaq. Ramazan bayramına qədər epidemioloji vəziyyət analiz ediləcək. Əlbəttə insanlar da diqqətli olmalıdırlar. Karantin qaydalarına ciddi əməl etməlidirlər. Əgər Ramazan bayramında yoluxma və ölüm sayı artarsa, dövlət karantin rejiminin sərtləşdirilməsi ilə bağı qərarlar qəbul edə bilər. Əgər yenidən qapadılmalara gedilməsini istəmiriksə, hər birimiz mütləq şəkildə Operativ Qərargahın müəyyən etdiyi karantin qaydalarına əməl etməliyik".

Aysel Yusifqızı

Telegramda izləyin

instagramda izləyin