"Diaspor siyasəti Azərbaycanın əsas xarici siyasət strategiyalarındandır" - DEPUTAT
İstiqamət: Diaspor quruculuğu, lobbiçilik və dünya azərbaycanlılarının həmrəyliyi
"Azərbaycanda diaspor quruculuğu sahəsinə ümumilli lider Heydər Əliyevin dövründə və onun rəhbərliyi altında başlanılıb. Heydər Əliyevin başçılığı ilə 1999-cu ilin dekabr ayında dünya azərbaycanlılarının I qurultayı keçirildi. 2002-ci ildə isə Azərbaycana diaspor siyasətini koordinasiya etmək məqsədi ilə diasporla iş üzrə dövlət komitəsi yaradıldı və bu günə qədər də fəaliyyət göstərir. Diaspor quruculuğu, lobbiçilik və dünya azərbaycanlılarının həmrəyliyi - bunlar bir-birinə bağlı olan situasiyalardır".
Bu sözləri Sonxeber.az-a açıqlama verən millət vəkili Ramil Həsən deyib.
O bildirib ki, diaspor siyasəti Azərbaycanın əsas xarici siyasət strategiyalarının içərisində rol alan siyasətlərdən biridir:
"Azərbaycanın xaricdə fəaliyyət göstərən diaspor təşkilatları da bu istiqamətdə doğru-düzgün şəkildə iş quraraq bir çox sahələri əhatə edən addımlar atırlar. Azərbaycan diasporunun formalaşmasında Azərbaycan ictimaiyyətinin bir çox sferaları aktivlik göstərir. Bunlar xaricdə təhsil almaqla ölkədən kənarda müqavilələr əsasında işləyən müəllimlər, müxtəlif səbəblərdən Azərbaycandan başqa ölkələrə mühacirət edən insanlarla bağlı diaspor təşkilatının formalaşmasında xüsusi xarakterizə edilən və öz imkanları, fəaliyyətləri ilə seçilən strukdurlardır.
Son dövrlər Azərbaycan diaspor təşkilatı uğurla inkişaf edir, koordinasiya mərkəzləri yaradılır. Yaradılan koordinasiya mərkəzlərinin birgə fəaliyyəti, xüsusilə də Prezidentin "Bir millətin iki diasporası olmaz" devizindən yola çıxaraq Türkiyənin müvafiq diaspor təşkilatları ilə bərabər fəaliyyət mexanizminin işlənib hazırlanması da bu təşkilatların vəzifələrinə daxildir. Bütün bunlar da Azərbaycan və Türkiyə dövlətlərinin maraqlarına xidmət edən istiqamətlərdə ortaq addımların atılmasına da böyük töfhə verir.
Həm lobbiçilik, həm diaspor istiqamətində atılan addımlar ikinci Qarabağ döyüşündə Azərbaycan diasporunun bütün nümayəndələrinin, hətta bir-birinə zidd siyasi ideologiyalarına baxmayaraq, bir çox təşkilatların həmrəyliyini və cənab Prezidentin ətrafında "dəmir yumuruq" kimi birləşməsini tarixi an kimi bizə yaşadıb. Bu da onu göstərir ki, Azərbaycan diasporu, lazım gələndə, milli maraqları üçün əlindən gələni etməyə hazırdır.
Əminik ki, bu istaqəmətdə atılan addımların milli ideologiyamızın formalaşmasında, xaricdəki Azərbaycan diasporunun daha da güclənməsində rolu olacaq və Azərbaycan milli maraqlarının qorunması üçün bu istiqamətdə atılan addımlarla öz sözünü deməkdə davam edəcək.
Azərbaycan Prezidenti bütün dünya azərbaycanlılarının lideridir. Ona görə də dünyanın hansı nöqtəsində olursa olsun, hər bir azərbaycanlı öz ölkəsini 30 illik işğaldan qurtaran lideri ilə fəxr edir. Diaspor təşkilatlarının aktiv fəaliyyəti ölkəmizin maraqlarının müdafiəsində iştrak edən lobbi quruluşları ilə Azərbaycan arasında bir növ körpü missiyasını həyata keçirir. Biz isə bundan qanun çərçivəsində yararlanırıq. Dünya azərbaycanlılarının həmrəyliyi istiqamətində həm Diasporla İş üzrə Dövlət Komitəsi, həm də diaspor təşkilatlarımızla birgə əməkdaşlığımız davam edəcək".
Aytəkin Cəlali
Material Azərbaycan Respublikası
Medianın İnkişafı Agentliyinin maliyyə
dəstəyi ilə hazırlanmışdır.
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş