Turlar.az - Rayon turları, daxili turlar

Pulsuz turizm elanları saytında yerləşdirilən elanlardan vaxtında xəbər tutmaqla Azərbaycanın ən populyar zonalarına səyahət etmək imkanı əldə edəcəksiniz!

Daxili turlar arasında ən maraqlılarından biri Hacıkənd turudur. Zəngin meşə zolaqlarına sahib Hacıkənd qəsəbəsi qərb bölgəsinə istirahətə gələnlərin ən gəzməli, ən görməli məkanlarındandır. Burada bir çox istirahət düşərgələri var. Ərazidən Kürəkçayın axması buraya gələnlərin istirahəti üçün daha da əlverişli imkan yaradır.

Gəzmək həvəsində olan turistlər üçün digər maraqlı gələn daxili tur İlisi turudur. İlisu kəndi Qaxın mərkəzindən 12 km məsafədə, dəniz səviyyəsindən 1356-1091 metr yüksəklikdə yerləşir. Kənddən 10 km şərqdə rayonun ən hündür zirvəsi Qaraqaya dağı var. Ərazidə bütünlüklə qışı rütubətli keçən soyuq iqlim tipi hakimdir. İlisuda Mohsu, Gözbulaq, Oğlanbulaq, Qızbulaq mineral suları da var. İlisu turistlərin ən sevimli istirahət yerlərindən biridir. Ərazidə bir çox gözəl bulaqlar var. Onlardan daha məhşur olanı Beşbulaqdır.

İsmayıllıda yerləşən Lahıc qəsəbəsini görmək turistlərin əsas istəklərindən biridir. Qəsəbə Azərbaycanın şimalında, Böyük Qafqaz sıra dağlarının cənub yamacında, dəniz səviyyəsindən 1505 m hündürlükdə yerləşir. Qəsəbə öz gözəlliyi ilə onu görənləri heyran edir. Buna görə də, ilin istənilən fəslində İsmayıllı-Lahıc Turuna böyük maraq var.

İsmayıllı-Lahıc turlarında da ekonom və standart paketlər arasında böyük olmayan qiymət fərqi var. Qiymətə nəqliyyat xidməti, səhər yeməyi, axşam qayıdışda çay süfrəsi, tur bələdçi, fotosessiya, ekskursiyalara isə Lahıc qəsəbəsi, Gəndov şəlaləsi, Asma körpü və İsmayıllı meşəsi daxildir. Səhər saat 07:00-da yola düşülürsə, axşam saat 22:00 Bakıya çatmaq vaxtıdır.

Telegramda izləyin