Turlar.AZ - istirahət mərkəzləri, hotellər

Pulsuz elanlar saytı TURLAR.AZ saytinda Azərbaycanın rayon və istirahət zonalarına turlar təşkil edilir! Bu turlar səyahət həvəskarları ilə yanaşı, sağlamlıqla bağlı yaxşı sanatoriya axtarışında olanlar üçün də nəzərdə tutulub. Turlar.AZ Azərbaycanın əyləncəli və sərfəli məkanlarını sizin üçün bir yerə toplayıb!

Təbii ki, Azərbaycanda sanatoriya deyəndə ağla ilk gələn Naftalan sanatoriyası olur. Naftalan sanatoriyası çox sayda xəstəliklərin uğurlu müalicəsi baxımından olduqca effektivdir. Gəncədən bir saatlıq məsafədə yerləşən Naftalan şəhəri neçə əsrlərdir ki, burada çıxan və hər cür xəstəliklərin müalicəsində istifadə olunan nadir müalicəvi xassəli neft (və ya yağ) ilə məşhurdur. Sovetlər dövründə Naftalan şəhərinin sanatoriya-kurortları dəri xəstəliklərindən, əzələ, oynaq və sümük ağrılarından əziyyət çəkən xəstələr arasında məşhurlaşmağa başlayır. Bu gün də şəhər Azərbaycanın aparıcı sağlamlıq turizmi istiqamətlərindən birinə çevrilib. Bir qayda olaraq, müalicə şəhərin sağlamlıq mərkəzlərində, ən azı bir həftə müddətində gündəlik xam neft vannası qəbul edilməsindən ibarətdir.

İstirahət zonalarının arasında Quba Palace xüsusi yer tutur. Paytaxtı Bakıya yaxın məsafədə, füsünkar təbiətə malik Qubada yerləşən möhtəşəm beşulduzlu oteldir. Otel dağların arasında, meşələrin əhatəsində yerləşməklə təbiət gözəlliklərinin qəlbində yüksək səviyyəli istirahət, gözəl əyləncə və unudulmaz təəssüratlar vəd edir. "Quba Palace" Heydər Əliyev adına Hava Limanından 201 km, Bakının mərkəzindən 171 km, Quba şəhər mərkəzindən 7 km məsafədə, Əski İqrıq kəndində yerləşir. "Quba Palace" Azərbaycanda qolf meydançasına malik olan ilk və yeganə oteldir. Bu möhtəşəm otel dağ və göl peyzajları arasındakı sakit və gözoxşayan bir ərazidə qolf oynamağın üstünlüyünü bəxş edir. Oteldə son dərəcədə dəbdəbəli şəkildə dizayn olunmuş konfrans və toplantı zalları tədbir və biznes görüşləri üçün unikal məkandır.

Şəkidəki məşhur Marxal müalicə-istirahət kompleksi müasir standartlara cavab verən kompleksdir. Şəki şəhərinin yaxınlığında, Böyük Qafqaz sıra dağlarının cənub-qərb yamaclarında, dəniz səviyyəsindən 1080 metr yüksəklikdə tikilib. Ərazisi 30 hektar olan kompleksə yeddimərtəbəli mehmanxana binası, SPA mərkəzi, villa tipli 31 kottec, restoranlar şəbəkəsi və müxtəlif əyləncə mərkəzləri daxildir.

Söhbət Şəkidən gedirsə, Kiş kəndində yerləşən Narın Qala istirahət mərkəzini də qeyd etməliyik. Qafqaz dağlarının ətəyində, şam meşəsinin mərkəzində, dəniz səviyyəsindən 1050 metr hündürlükdə yerləşir. İstirahət mərkəzində ümumilikdə 20 ev - 1, 2, 3, 4 otaqlı koteclər var. Hər bir kotecdə bütün şərait yaradılıb. Restoranda istənilən yeməyi sifariş vermək mümkündür.

Ölkəmizi rahat gəzib-görmək üçün çoxsaylı hotel çeşidindən seçim edə bilərsiniz. Hər səyahət yeni macəralarla zəngindir. Unudulmaz macəralarınızı Azərbaycanda yaşayın!

Telegramda izləyin

instagramda izləyin