Rusiyada universitetə silahlı hücum: Ölən və yaralananlar var - VİDEO - YENİLƏNİB

Perm Dövlət Universitetinə silahlı hücum nəticəsində ölənlərin sayı 8 nəfərə çatıb.

Lent.az bildirir ki, bu barədə Rusiya İstintaq Komitəsi məlumat yayıb.
11:54
Perm Dövlət Universitetinə silahlı hücum edən şəxs 18 yaşlı Timur Bekmansurovdur.

"Report" Rusiya mediasına istinadən xəbər verir ki, hüquq-mühafizə orqanları terrorçunu saxlayıb.

T.Bekmansurov ilkin ifadəsində bu hücumu uşaqlıqdan planlaşdırdığını və 10-cu sinifdən bəri bunun üçün pul yığdığını deyib. O, həmçinin hansısa radikal təşkilatın üzvü olmadığını bildirib.

11:37
Rusiyanın Perm Dövlət Universitetinə silahlı basqın olub.

"Report" "Haber Global"a istinadən xəbər verir ki, hadisə nəticəsində 3 nəfər ölüb, 4 nəfər isə yaralanıb.

Məlumata görə, silah səsləri tələbələr arasında təlaşa səbəb olub. Onlar özlərini pəncərələrdən atıblar.

Hadisə yerinə hüquq-mühafizə orqanlarının əməkdaşları cəlb olunub.

Telegramda izləyin