Koronavirusdan ölənləri görən tibb bacısı 34 kiloqram arıqladı - FOTO

İngiltərədə koronavirus xəstələri üçün nəzərdə tutulan klinikanın tibb bacısı Sara Vinter "COVID-19"dan öləcəyindən qorxaraq 34 kiloqram arıqlayıb.

Sonxeber.az BiG.AZ-a istinadən xəbər verir ki, bu barədə "The Mirror" yazır.

Belə ki, 110 kiloqram çəki ilə qoruyucu kostyumda 12 saat qalmaq Sara üçün çox yorucu olurdu.

Bundan əlavə, o, koronavirusun piylənmədən əziyyət çəkən insanlara məhvedici təsir göstərdiyinin şahidi olub. Arıqlamasa, bu xəstəlikdən öləcəyindən qorxduğu üçün Sara həyat tərzini dəyişmək və xəstələrə nümunə olmaq qərarına gəlib. O, arıqlamaq üçün xüsusi proqrama qoşulub.

Əvvəllər "fast food", çips və kruassanlardan çox istifadə edən Vinter hazırda meyvə-tərəvəz və sağlam ev yeməkləri yeyir. Qeyri-iş günlərində o, 16 kilometr piyada gəzir.

Bu yolla qadın bir ilə 34 kiloqram arıqlayıb. Hazırda 76 kiloqram çəki ilə o, işlərini daha rahat görür və günün sonunda yorğunluq hiss etmir.

Sara qeyd edir ki, proqramla arıqladığı müddətdə o, heç vaxt aclıq hiss etməyib:

"Mən hələ də çips, burger və sevdiyim digər yeməkləri yeyirəm, sadəcə olaraq, reseptləri özümə uyğunlaşdırıram və yağlı məhsullardan daha az istifadə edirəm".

Telegramda izləyin