İşıqforun qırmızı rəngi QIRMIZI DEYİL - OPTİK İLLÜZİYA - FOTO

"Hər gördüyünə inanma" deyimi növbəti dəfə öz təsdiqini tapıb.

Sonxeber.az BiG.AZ-a istinadən xəbər verir ki, bloqer Din Cekson maraqlı optik illüziyanı təqdim edib.

Belə ki, onun paylaşdığı işıqfor şəkli 8 milyondan çox izləmə toplayıb.

Bu uğurun sirri isə şəkildəki optik illüziya ilə bağlıdır.

Bloqer ilk öncə qırmızı, sarı, yaşıl rəngli adi işıqforun şəklini paylaşır. Daha sonra həmin fotonun üzərinə yaşıl filtr əlavə edir.

Elə buradan möcüzələr başlayır. Bir çoxları məktəb vaxtından bilirlər ki, yaşıl ilə qırmızı - komplimentar (tamamlayıcı) rənglərdir. Başqa sözlə, ikinci şəkildə qırmızı rəng yoxdur, lakin insanlar hələ də o rəngi görürlər.

Gördüklərinin həqiqət olmadığını sübut etmək üçün bloqer fotoda digər yerləri bağlayır. O zaman qırmızı işığın əslində boz olduğu aydın görünür.

Optik illüziya bir çox izləyicilərin marağına və qızğın müzakirələrə səbəb olub. İnsanlar beynin onları başqa hansı hallarda aldatdığı barədə fikirlərini bölüşüblər.

Telegramda izləyin