Əgər smartfon vasitəsi ilə sizi izləmək istəsələr...

Smartfonda ehtiyac olmadığı təqdirdə belə geolokasiyanı söndürməyə dəyməz.

Bu barədə Rusiyada "Content-Review" layihəsinin rəhbəri Sergey Polovnikov bildirib.

Onun sözlərinə görə, bu xüsusiyyət standart olaraq əksər cihazlarda aktivdir. Çox vaxt GPS - peyk naviqasiya sistemi ilə təmin edilir. Bəzi mütəxəssislər, ehtiyac olmadıqda geolokasiyanı söndürməyin telefonun şarjının qənaətinə kömək etdiyini və müxtəlif tətbiqlərin smartfon sahibinin yerini izləməsinin qarşısını aldığını düşünür. Ancaq Polovnikov belə hesab etmədiyini bildirib.

"Bu gün geolokasiya modulu əraziyə istinadən bizə məlumat göndərən əksər tətbiqlərin düzgün işləməsi üçün açardır. Başa düşməliyik ki, kimsə izləmək istəsə, GPS söndürüldükdə belə bunun bacarır; trianqulyasiya texnologiyası - yəni baza stansiyalarından gələn siqnal mənbələri ilə yeriniz təyin edilir. Məlumatlarınızın izlənilməməsi baxımından GPS-in açıq ya bağlı olmasının heç bir mənası yoxdur", - deyə o qeyd edib.

Mütəxəssis əlavə edib ki, geolokasiya funksiyasının smartfonun batareyasına təsiri həqiqətən də var, amma əhəmiyyətsiz dərəcədədir.

Bəzi insanlar GPS -in aktiv olmasını internet trafiki boşa xərclədiyini düşünürlər. Ekspert əmin edib ki, bu belə deyil.

"Xeyr, GPS heç bir internet-trafiki sərf etmir. Üstəlik, şəbəkədən ayrılsa belə işləməyə davam edir, hətta SİM kartı çıxara bilərsiniz, bununla belə GPS işləməyə davam edəcək və xəritələri oflayn rejimdə işləmək üçün yükləmisinizsə, eyni naviqatordan istifadə edə bilərsiniz, heç bir problem yoxdur", - deyə Polovnikov bildirib.vv

Telegramda izləyin