Ən çox kitab oxunan ölkələr - SİYAHI

İngiltərədə yerləşən "Global English Editing" dünyada ən çox kitab oxunan ölkələrin adlarını açıqlayıb.

Sonxeber.az "Haber Global"a istinadən bildirir ki, əhalisinin ən çox kitab oxumağa vaxt ayırdığı ölkələr siyahısında Hindistan birincidir.
Hindistanda orta hesabla bir vətəndaş həftədə 10 saat 42 dəqiqə kitab oxuyur.

Kitab oxumaq üçün ən çox vaxt ayıran ilk 10 ölkədən 6-sı Asiyadan, 4-ü isə Avropadan siyahıya daxil olub.

Tailand həftədə 9 saat 24 dəqiqə ilə siyahıda ikinci, Çin həftədə 8 saatla üçüncü olub.

İlk onluğa daxil olan digər ölkələr Filippin (7 saat 36 dəqiqə), Misir (7 saat 30 dəqiqə), Çexiya (7 saat 24 dəqiqə), İsveç (7 saat 6 dəqiqə), Fransa (6 saat 54 dəqiqə), Macarıstan (6 saat 48 dəqiqə) və Səudiyyə Ərəbistanı (6 saat 48 dəqiqə). Türkiyə isə oxumağa ayırdığı vaxtda siyahıda 18-ci yerdədir.

Kitab oxuma indeksi fərdlərin həftəlik oxumağa sərf etdikləri vaxta əsaslanır. Çap olunmuş kitablara əlavə olaraq, qəzetlər, jurnallar və onlayn məzmun da daxil olmaqla, hər cür oxunaqlı materiallar qiymətləndirmə zamanı nəzərə alınıb.

Aytəkin CƏLALİ

Telegramda izləyin