Oğluna dərman tapmayan atadan kreativ üsul: ÖZÜ HAZIRLADI - FOTO

Çində ata sevgisinin nümunəsi olan hadisə hər kəsi kövrəldib.

BiG.AZ "South China Morning Post"a istinadən xəbər verir ki, Süy Vey adlı şəxs ölümcül xəstə olan 2 yaşlı oğluna dərman hazırlamaq üçün fərdi şəkildə farmakologiya elmini öyrənərək, şəxsi laboratoriya yaradıb.

Belə ki, anadangəlmə Menkes xəstəliyidən əziyyət çəkən uşaqda genlərdəki qüsur səbəbindən sinir sistemində ciddi problemlər yaranıb.

Bu patologiya ilə doğulanlar adətən 10 ildən artıq yaşamırlar.

Uşaq hər gün nadir tapılan xüsusi dərmanlar qəbul etməlidir. Koronavirusla əlaqədar olaraq, həmin preparatların ABŞ-dan Çinə çatdırılması dayandırılıb. Çarəsiz qalan gənc ata çıxış yolunu bu dərmanları ev şəraitində hazırlamaqda görüb.

Beləliklə, dərmanları hazırlayıb test etməyi bacarmaq üçün Süy Vey kimya və farmakologiya kurslarına getməyə başlayıb.

"Təəssüf ki, universitetdə təhsil almaq imkanım olmayıb, amma bu o demək deyil ki, indi də bilik əldə edə bilmərəm. Oğlumu çox sevirəm və onu xilas etmək arzusundayam. Sağalması üçün əlimdən gələni əsirgəməyəcəyəm. Əminəm ki, hər şeyin bir çarəsi var. Mən sadəcə etdiyimi edəcəyəm", - deyə ata fikirlərini bölüşüb.

Telegramda izləyin