Romada Ərdoğanla Baydenin görüşü keçirilib – FOTO/VİDEO

"Böyük İyirmilik" (G20) ölkələri sammiti çərçivəsində Romada Türkiyə prezidenti Rəcəb Tayyib Ərdoğanla ABŞ lideri Co Bayden arasında görüş keçirilib.

Mətbuata qapalı keçirilən və 65 dəqiqə davam edən görüşdə Türkiyə XİN-in rəhbəri Mövlud Çavuşoğlu, həmçinin ABŞ Dövlət Departamentinin rəhbəri Entoni Blinken də iştirak edib.

Dövlət başçıları arasında ikitərəfli münasibətlər və regional proseslər ətrafında fikir mübadiləsi aparılıb.

Öncədən də bildirildiyi kimi, Ərdoğan və Bayden F-35 məsələsini, eləcə də Vaşinqtonun PKK/YPG qruplaşmalarına dəstəyini, həmçinin Suriya, Liviya, Qarabağ kimi bir sıra bölgələrdəki cari vəziyyəti müzakirə ediblər.

***

13:32

Romada keçirilən G20 sammiti çərçivəsində Türkiyə Prezidenti Rəcəb Tayyib Ərdoğan və amerikalı həmkarı Cozef Bayden arasında görüş başlayıb.

Sonxeber.az bu barədə Türkiyə KİV-lərinə istinadən xəbər verir.

Qeyd edək ki, son dəfə Türkiyə və ABŞ liderləri iyun ayında Brüsseldə keçirilən NATO sammiti çərçivəsində görüşüblər.

Xatırladaq ki, daha əvvəl T.Ərdoğan danışıqların əsas mövzusunun Türkiyənin F-35 qırıcı təyyarələrinin hazırlanması proqramında iştirakı olacağını bildirib.

Telegramda izləyin