Violetta və Dima - dünyanın ən gözəl bacı-qardaşı - FOTOLAR

7 yaşlı Violetta Antonova və onun 12 yaşlı qardaşı Dmitri dünyanın ən gözəl bac-qardaşı adına layiqdirlər. İdeal üz cizgiləri, iri dodaqları və mavi gözləri olan bu sarışın uşaqlar sanki İntibah dövrü rəssamlarının əsərlərindəki mələklərdirlər.

Sonxeber.az BiG.AZ-a istinadən xəbər verir ki, Antonovlar körpə vaxtlarından jurnalların üz qabıqlarını bəzəyib, brend markaları təmsil ediblər.

2018-ci ildə Violetta "Planetin 50 ən gözəl uşağı" siyahısına daxil edilib. Artıq indidən dəb nümayişlərində iştirak edən bu balaca qızcığaz gələcəkdə də dünyanın ən gözəl modellərindən biri ola bilər.

Qardaşı Dima da ondan geriyə qalmır. Onun şəkli məşhur "Harper’s Bazaar" jurnalının üz qabığında olub. Oğlan. həmçinin, "Faberlic" kataloqu üçün də çəkilib.

Model biznesindəki uğurlarına baxmayaraq, Dima vaxtının çox hissəsini dərslərinə ayırır. Məktəb onun üçün həmişə öncəlik təşkil edir.

Bu bacı-qardaşın birgə çəkildiyi şəkillər daha möhtəşəm alınır. Yəqin ki, boşuna demirlər: "Gözəl görünüşlü insanar həmişə bir addım öndədirlər". Bu uşaqların addımları, deyəsən, birdən də çoxdur.

Telegramda izləyin