Bu Havay adası 100 ildir ki, hər kəsə bağlıdır: yerlilər gedə, xaricilər gələ bilməz - FOTO

Havay adaları ən məşhur istirahət məkanlarından biridir. Dünyanın bütün guşələrindən insanlar buraya axışırlar, lakin burada qapalı bir adanın varlığından çoxları xəbərsizdirlər.

Sonxeber.az BiG.AZ-a istinadən xəbər verir ki, Niihau adlanan həmin ada ötən əsrin əvvəllərindən bu günədək bağlıdır.

Yerli sakinlərdən başqalarına burada yaşamaq qadağandır.

Ərazisi 180 kv. km. olan adanın bəzi açıq əraziləri də var və turistlər tez-tez həmin yerlərə səyahət edirlər.

1865-ci ildə ada Sinkler ailəsinin nümayəndələrindən biri tərəfindən böyük miqdarda qızıl müqabilində alınıb.

Sinkler ailəsi buranın əhalisi üçün öz qayda-qanunlarını təyin edib. O dövrdə bu ərazidə fermalar, yeni evlər tikilib və insanlar üçün lazım olan münbit şərait yaradılıb.

İyirminci əsrin əvvəllərində ailənin nəvəsi adanı qapalı etmək qərarına gəlib və o zamandan kənar şəxslərə giriş qadağan edilib.

Turistlər buraya gələ bilmir, yerli sakinlər isə xaricdə olan qohumlarını görmək üçün xüsusi icazə almalıdırlar.

Telegramda izləyin