Yarım milyard avroluq yaxtasını itirən rus milyarderi: Anam ukraynalıdır

Qərb dövlətlərinin elan etdiyi sanksiyalardan sonra Rusiya lideri Vladimir Putinə daxili təzyiqlər artmağa başlayıb.

Sonxeber.az xarici mətbuata istinadən bildirir ki, Potanindən sonra Rusiyanın ən zəngin iş adamı, anası ukraynalı olan kömür və gübrə maqnatı Andrey Melniçenko bildirib ki, Ukraynada müharibə dayandırılmalı olan faciədir, əks halda gübrə qiymətlərinin artması səbəbindən fermerlər işləyə bilməyəcək və bu, zəncirvari ərzaq böhranına səbəb olacaq.

Belarus əsilli Rusiya vətəndaşı Melniçenkonun anası da ukraynalıdır. Rus zəngini "Ukraynada baş verənlər həqiqətən faciədir. Bizə təcili sülh lazımdır. Belarusda doğulmuş və Ukrayna qanı ilə axan Rusiya vətəndaşı olaraq qardaş xalqların müharibəsi və ölümü qarşısında böyük ağrı hiss edirəm" -deyib.

Forbes-in məlumatına görə, Melniçenkonun sərvəti 10 mart 2022-ci il tarixinə 15,8 milyard ABŞ dollar dəyərindədir ki, bu da onu Rusiyanın 7-ci ən varlı adamı edir. İtaliya sanksiyalar çərçivəsində milyarderin 143 metr uzunluğunda və 530 milyon avro dəyərində dünyanın ən böyük yelkənli qayığını ələ keçirib.

Aygün Osmanlı

Telegramda izləyin