Jurnalistin maşınının şüşəsini sındırıb oğurluq etdilər - Fotolar

Sumqayıtda maşının şüşələri sındırılaraq, içərisindəki əşyalar oğurlanıb.

Sonxeber.az bildirir ki, bu barədə jurnalist Səbuhi Vaqifoğlu sosial şəbəkə hesabında paylaşım edib.

O bildirib ki, hadisə Sumqayıtda Səməd Vurğun küçəsində yerləşən "Turan" restoranı yaxınlığında baş verib:

"Yarım saat sonra restoranın ofisiantı yaxınlaşdı ki, maşını yarıblar. Maşından əl çantası, içərisində təxminən 1500 manat pul, bank kartları, şəxsiyyət, sürücülük vəsiqəsi və digər sənədlər oğurlanıb. Yaxınlıqda kamera da var. Hüquq-mühafizə orqanlarına müraciət etmişik".
Belə ki, avtomobilin şüşəsi qırılaraq içəridən içində 1500 manat, bank kartları, şəxsiyyət və sürücülük vəsiqəsi olan çanta oğurlanıb./qafqazinfo

Telegramda izləyin