Bu möcüzəvi heyvanlar rəngləri ilə HEYRAN EDİR - FOTO-VİDEO

Olduqca zəngin olan təbiətimizdə müxtəlif növ heyvanlar mövcuddur. Bu heyvanlar arasında xüsusi görünüşə malik olanlar da az deyil.

Sonxeber.az bu gün sizə şəffaf yarpaq böcəyi və dünyanın ən böyük ağac sincabı haqqında məlumatı təqdim edir.

Şəffaf yarpaq böcəyi və ya qızıl tısbağa böcəyi kimi tanınan bu canlı yaxşı əhval-ruhiyyədə olduqda qızılı bir görünüşə sahib olur.

Onların uzunluğu yalnız 8 mm-ə kimi çata bilir. Bu böcəyi xüsusi edən təkcə onun şəffaf olması və ya rənginin dəyişməsi deyil. Qızıl tısbağa böcəyi rəng dəyişdirmək üçün olduqca fərqli bir üsuldan istifadə edir.

Həşəratın qabığı 3 təbəqədən ibarətdir və hər təbəqəsi isə fərqli bir rəngi əks etdirir.

Həşəratın qabığının təbəqələri bədən mayesi ilə dolduqda hər təbəqənin əksi birləşərək qızılı sarı rəng əmələ gətirir. Belə ki, qabığın alt qatında qırmızı piqment var.

Hər hansı bir şəkildə narahat olduqda, qabığındakı təbəqələrdən bədən mayesini çəkir və beləliklə, alt təbəqədəki qırmızı piqmentlər səbəbindən qırmızı olur.

Malabar nəhəng dələsinə isə yalnız Hindistanın subtropik yüksək dağlarında rast gəlinir və o, dünyanın ən böyük ağac dələsidir.

Uzunluğu bir metrə, çəkisi 2 kiloqrama çata bilən dələnin rəngarəng kürkü var.

Hind nəhəngi dələsi kimi tanınan bu canlı yırtıcılardan qaçmaq üçün adətən hündürlüyü 11 metrdən çox olan ağacların zirvələrində yaşayır.

Aysel SƏFƏRZADƏ

Telegramda izləyin