Xırdalanda damı uçan məktəb onlayn təhsilə keçdi - YENİLƏNİB + VİDEO

Təhlükəsizlik tədbirləri ilə əlaqədar olaraq, Xırdalan şəhər 9 nömrəli tam orta məktəbdə tədris dayandırılıb.

Bu barədə Oxu.Az-a Abşeron Rayon Təhsil Şöbəsindən bildirilib.

"Fövqəladə Hallar Nazirliyinin müvafiq rəyinə əsasən dərslərin başlama tarixi barədə qərar veriləcək. Buraxılmış proqram materiallarının tədrisi isə əlavə dərs saatları və onlayn dərslər hesabına təmin ediləcək", - deyə qeyd edilib.

12:08

"Xırdalan şəhərində güclü küləyin törətdiyi fəsad zamanı xəsarət alan olmayıb".

Bu barədə Oxu.Az-a Abşeron Rayon Təhsil Şöbəsindən bildirilib.

Şöbədən qeyd edilib ki, əsən güclü külək nəticəsində Xırdalan şəhər 9 nömrəli tam orta məktəbin dam örtüyünün bir hissəsi uçub:

"Hadisə nəticəsində xəsarət alan olmayıb. Vəziyyətlə bağlı məktəbdə dərhal ilkin təhlükəsizlik tədbirləri həyata keçirilib, aidiyyəti qurumlara məlumat təqdim olunub. Ən qısa zamanda dam örtüyünün bərpa işlərinə başlanacaq".

11:40
Abşeron rayonunun Xırdalan şəhərində güclü külək məktəbin damını uçurub.

BAKU.WS-in məlumatına görə, hadisə 9 saylı məktəbdə baş verib.

Güclü külək nəticəsində məktəbin damı uçub.

Telegramda izləyin