Körpəni anasından zorla alıb küçəyə atdılar

Türkiyənin İstanbul şəhərində ölümlə üz-üzə qalan körpə yol kənarında tapılıb.

Sonxeber.az xarici mətbuata istinadən xəbər verir ki, körpənin nikahdan kənar olduğu üçün küçəyə atıldığı öyrənilib.

Belə ki, 26 yaşlı qadın nikahdankənar münasibətdə olduğu şəxsdən hamilə qalıb. Bu vəziyyəti nənəsinə və babasına deyə bilməyən qadın böyüyən qarnını doğulana qədər onlardan gizlədib. Evin hamamında körpəni təkbaşına dünyaya gətirən gənc qadın körpəni daha gizlədə bilməyib. İddiaya görə, baba və nənə körpəni anasının əlindən zorla alaraq yol kənarına qoyublar.

Bir müddət sonra yoldan keçənlər donmaq üzrə olan körpəni görüblər.

Etdikləri əmələ görə nənə və baba həbs ediliblər. Körpə və anası isə dövlət himayəsinə götürülüb.

Aygün Osmanlı

Telegramda izləyin