Nəhəng ton balığının qiyməti DODAQ UÇUQLATDI

Tayvanın cənub-şərqində yerləşən Pintunda ilin ilk mavi üzgəcli ton balığı rekord qiymətə satılıb.

Sonxeber.az-ın xarici mətbuata istinadən verdiyi xəbərə görə, mövsümün açılış günü kapitan Çen Çin-Pin tərəfindən tutulan 208 sm uzunluğunda və 210,6 kiloqram çəkidə olan mavi üzgəcli ton balığı 2 milyon 121 min Yeni Tayvan Dollarına (təxminən 124 min manata) satılaraq indiyə qədər satılan ən bahalı ton balığı olub.

Pintun Bələdiyyə Başçısı Pan Menanın iştirak etdiyi mövsümün açılış mərasimində "Jiazhen" dəniz məhsulları restoranının sahibi Hsiao Şou-fa yekun qiyməti deyərək hərracda qalib gəlib.

Bələdiyyə sədri Pan Menan ton balığı mövsümünün başladığını və bu sənayenin bölgəyə böyük töhfə verdiyini bildirib.

Balıqçılığın əhəmiyyətinə toxunan Pan, bölgədəki balıqçılıq sənayesinin uzun illərdir Pingtunun bütün dünya tərəfindən tanınmasına töhfə verdiyini və digər sektorlar arasında lokomotiv rolunu oynadığını vurğulayıb.

Hərracda qalib gələn Hsiao karyerasına 13 yaşında balıqçılıqla başladığını və bu işin bütün çətinliklərini bildiyini etiraf edib. Verdiyi yüksək təklifin balıqçılara olan hörmət və bir növ sevgisinin ifadəsi olduğunu bildirən Hsiao, balığı restoranına aparıb müştərilərinə təqdim edəcəyini deyib.

Aysel Quliyeva

Telegramda izləyin