Qız aeroportda sevgilisini tərk etdi: "Anası üzümə dedi ki..."

Meksikaya istirahətə getməyə qərar verən cütlük üçün səfər heç də ürəkaçan olmayıb.

Lent.az xarici mediaya istinadən xəbər verir ki, bu barədə adının açıqlanmasını istəməyən gənc qız özü məlumat verib.

Qız səyahətə çıxmazdan əvvəl hava limanında təhqirlərə dözməyərək sevgilisini tərk edib.
Hər şey hava limanından başlayıb. Məlum olub ki, sevgilisi özü, anası və bacısı üçün biznes-klassa, onun isə ekonoma bilet alıb. Hətta təyyarə baqajını da o qeydiyyatdan keçirməli idi.

Vəziyyəti belə görən pərişan qız özünü təhqir edilmiş hesab edərək hava limanını tərk edib. Onun sözlərinə görə, qayınanasının da münasibəti ona qarşı yaxşı olmayıb:

"Hava limanında o, mənim haqqımda istehzalı fikirlər söyləməyə başladı, üzümə dedi ki, guya valideynlərim fəhlə sinfinə aiddir, mən yalnız ekonomda uçmalıyam".

Maraqlısı isə o idi ki, oğlan da anasının fikirləri ilə razılaşırdı.

Xəbər portala yerləşdiriləndən sonra, böyük əksəriyyət qızın atdığı addımı düzgün qiymətləndirərək ona dəstək olublar:

"Orada qalsaydın, bütün istirahət boyu səni aşağılayacaqdılar. Tamamilə doğru qərar idi. Narahat olmayın, əgər sevgiliniz sizi müdafiə etmirsə, onunla vaxt keçirmək əbəsdir".

Telegramda izləyin