"Instagram" öz platformasında bunları edəcək

"Instagram"ın rəhbəri Adam Mosseri fotoservisdə reallaşdırılacaq bəzi yeniliklər barəsində məlumat verib.

Lent.az xarici KİV-ə istinadən bildirir ki, reallaşdırılacaq yeniliklərdən ən vacibi isə orijinal kontentlərin aktiv şəkildə irəli çəkilməsi ilə bağlıdır. Bu isə o deməkdir ki, həmin dəyişikliklərdən ən vacibinin əsas hədəfi Instagram "Reels"də repost olunan TikTok videoları olacaq. Meta şirkəti artıq aydın şəkildə qeyd edir ki, o, Facebook ilə "Instagram"ı ilk növbədə dostlarla ünsiyyət vasitəsi kimi qəbul etmir. Şirkət sözügedən platformaları ilk növbədə kontent yaradıcılarına hədəflənmiş əsas platformalar kimi qəbul edir. Şirkət administrasiyası aktiv şəkildə elektron kommersiya alətlərini və auditoriya ilə çalışma üçün nəzərdə tutulmuş üsulları irəli çəkir.

Bu üsul ilə o, "TikTok" və "YouTube"da olan müəlliflərin "Instagram" ilə "Facebook"a keçid edəcəklərinə ümid edir. Hazırda şirkət əsas diqqəti qısa videolar formatı olan "Reels"ə yönəldib. Mark Zuckerbergin sözlərinə əsasən "Reels" hazırda şirkətin yüksək sürətlə böyüyən yeni kontent formatıdır. Lakin "Reels"də çox zaman keçirən istifadəçilər daha çox anlayırlar ki, bu format "TikTok"un klonudur. Digər platformalarda mövcud olan videolarda hətta "TikTok"un loqosu da olduğu kimi qalır. İstifadəçilərin "Instagram" daxilində bu cür rəftarları ilə mübarizə aparmaq üçün şirkət orijinal olmayan kontentlərin prioritetlərini aşağı salmaq qərarına gəlib.

İSA DİRİLDİ: Bakıda Pasxa bayramı qeyd olunur - VİDEO
İcra başçısının jurnalistə qarşı iddiası icraata götürülmədi
Azərbaycan saytlarının Rusiyada bloklanması ilə bağlı BƏYANAT
Yəni həmin kontentlər Instagram-ın məsləhətverici alqoritmləri tərəfindən daha az istifadəçiyə təqdim ediləcəklər. Lakin bu və ya digər kontentin orijinal olub-olmadığının hansı yol ilə müəyyənləşəcəyi barəsində məlumat verilməyib. Bu cür qərardan ən böyük zərəri isə aqreqator rolunda fəaliyyət göstərən səhifələr əldə edəcəklər. Məhz bu cür səhifələr məşhur memlərin və trendlərin mənbələri hesab edilirlər. Lakin verilmiş məlumata əsasən Instagram ilə "Facebook"un böyük istifadəçi kütləsinə sahib olmalarına baxmayaraq, hazırda əsl orijinal kontentlərin mənbələri qismində "TikTok" və "Twitter" çıxış edirlər. Məhz bu faktor səbəbilə Meta şirkəti öz məşhur platformalarında radikal addımlar atmağa qərar verib./lent.az

Telegramda izləyin