BAKIDA OĞURLUQ: Görün satıcını necə aldatdı - VİDEO

Redaksiyamıza dələduzluqla bağlı şikayət daxil olub.

Sonxeber.az-ın məlumatına görə, Xəzər rayonu, Qala qəsəbəsi, Yeni Yaşayış massivində yerləşən ərzaq mağazalarından birində oğurluq hadisəsi baş verib.

Şikayətçi qeyd edir ki, hadisəni törədən xarici vətəndaş olub:

"O, əvvəlcə köşkə daxil olaraq spirtli içki və əlavə bir-iki şey alıb. Satıcı xanıma 100 manat verərək məbləği ödəyib. Lakin sonra narazılıq edərək məhsulu baha qiymətə satdığımızı iddia edib və qarşı mağazada daha ucuz olduğunu söyləyib. Məhsulu və pulun qalığını qaytararaq, öz 100 manatını geri alıb. Sonra yenə fikrini dəyişdiyini, başqa məhsul götürmək istədiyini bildirib. Dəfələrlə 100 manatı satıcı xanıma uzadan dələduz spirtli içkinin digər bir növünü soruşaraq onun fikrini yayındırıb və 100 manatı dərhal cibinə qoyub. Həmin spirtli içki ilə bərabər bir neçə cipsi və s. də götürərək 100 manatın qalığını qaytarmağı tələb edib. O, xanımı çaşqınlıq içərisinə salaraq, pulunun xırdasını götürüb və mağazadan uzaqlaşıb. Biz kameralar vasitəsilə həmin şəxsin simasını müəyyənləşdirmişik. Hətta bu gün onu tutacaqdıq, lakin çata bilmədik, əlimizdən qaçdı. Aidiyyəti qurumları kiçik bir məbləğə görə narahat etmək istəmədik, amma bu xəbəri oxuyub, videonu izləyib, tədbir görsələr, edə biləcəkləri digər dələduzluqların da qarşısı alınar".

Təhlükəsizlik kameralarına əks olunan görüntüləri təqdim edirik:

Aysel SƏFƏRZADƏ

Telegramda izləyin