Telefonunuzu masanın üstünə qoymayın: Səbəbini eşidənlər şoka düşdü

Telefonunuzu özünüzdən uzaqda saxlayın.

Sonxeber.az AZXEBER.COM-a istinadən xəbər verir ki, Texas Universitetinin McCombs Biznes Məktəbi tərəfindən aparılan yeni araşdırmanın nəticələri milyonlarla telefon istifadəçisini heyrətə salıb.

Təcrübələrin birində tədqiqatçılar tədqiqat iştirakçılarından kompüter qarşısında oturmağı və yaxşı nəticə əldə etmək üçün tam konsentrasiya tələb edən bir sıra testləri tamamlamağı xahiş ediblər. Başlamazdan əvvəl iştirakçıların bir qisminə smartfonlarını stolun üzərinə, digərlərinə isə başqa otağa yerləşdirmələri bildirilib.

Tədqiqatçılar müəyyən ediblər ki, telefonları başqa otaqda olan iştirakçılar telefonları stolun üstündə olanlardan əhəmiyyətli dərəcədə daha yaxşı nəticə əldə ediblər. Bu nəticə göstərir ki, telefonun insana yaxın olması mövcud idrak qabiliyyətini azaldır.

Tədqiqatçılar deyirlər ki, smartfonun göz önündə və ya əlçatan yerdə olması diqqəti toplamaq və tapşırıqları yerinə yetirmək qabiliyyətini azaldır, çünki insanın beyninin bir hissəsi telefonu açmaq və ya istifadə etmək üçün aktiv şəkildə işləyir.

Telegramda izləyin