"Xiaomi"nin ən UĞURSUZ telefonları - SİYAHI

"Xiaomi" tarixinin ən etibarsız smartfonlarının adı açıqlanıb.

Lent.az xarici KİV-ə istinadən xəbər verir ki, siyahının ilk yerlərini Tianma IPS ekranlı 5 smartfon, o cümlədən Redmi Note 5, 7, 8, həmçinin Xiaomi Mi A2 və Mi 6X tutur.

Qeyd olunur ki, bu smartfonların istifadəçiləri tez-tez ekranın həssaslığından və AMOLED matrislərində yanmağa bənzəyən "şəklin saxlanması" problemlərindən şikayətlənirdilər. Problem şirkətin aşağı qiymətə görə keyfiyyətsiz ekranlardan istifadə etməsi olub.

Redmi Note 9T, 9S və 9 Pro smartfonları etibarsız barmaq izi skanerlərinə görə ən pislər siyahısına düşüb. Qeyd olunur ki, bəzi hallarda barmaq izi skanerləri keyfiyyətsiz kabelə görə sıradan çıxıb.

Xiaomi Mi 8 flaqman smartfonunun bəzi sahibləri, onu 2018-ci ildə satın aldıqdan dərhal sonra Wi-Fi modulu ilə bağlı problem aşkarlayıblar. Şikayətlərə baxmayaraq, rabitə itkisinə səbəb olan səhv heç vaxt düzəldilməyib.

Etibarsız "Xiaomi" smartfonlarının siyahısına 2020-ci ilin Poco M3-ü də daxildir. Məlum olub ki, smartfon bir müddət işlədikdən sonra naməlum səbəblərdən işə düşməyi dayandırıb.

Siyahıya istənilən vaxt korpusdan çıxan ön kamerası olan Xiaomi Mi9T və Redmi K20 seriyalı smartfonlar da daxildir. Buna səbəb hərəkət edən kameraların etibarsızlığıdır. Kamera tez-tez smartfon korpusunun içərisində ilişib qalıb və problemi həll etməyin yeganə yolu cihazı sökmək və təmizləmək olub.

Şirkətin ən son ucuz qiymətli telefonu olan Xiaomi Mi 9-un istifadəçiləri kameradan 10 dəqiqədən çox istifadə edərkən həddindən artıq istiləşmə ilə üzləşiblər. Bu problem həm də uzun video zənglər reallaşdırmağı mümkünsüz edib. Qeyd olunur ki, Mi 8 və Mi 9 buraxıldıqdan sonra "Xiaomi" öz telefonlarınınsınaqdan keçirilməsinə daha əsaslı yanaşmağa başlayıb.

Telegramda izləyin