"Lacoste" brendi necə "TİMSAH"A çevrildi? - MARAQLI FAKT

1920-ci illərdə dövrünün ən yaxşı tennisçilərindən biri olan fransız əsilli Rene Lacoste həmin dövrdə tennisçilər üçün dizayn olunmuş geyimdən heç məmnun deyildi.

Lent.az tarixi mənbələrə istinadən xəbər verir ki, tennisçilər oyun zamanı rəsmi şalvar, köynək geyimində idilər ki, bu da bir idman növü üçün rahat deyildi.

Bu səbəblə o, tennis zamanı daha rahat olan "Lacoste polo" yaxalı köynəkləri dizayn etdi. Rahat olmasının səbəbi də Renenin yumşaq yun parça istifadə etməyi oldu. Bunun sayəsində parça hava keçirir və tərləməni azaldırdı. 1923-cü ildə Davis kuboku zamanı Rene komanda məşqçisi ilə iddiaya girmiş, qazanacaqları təqdirdə məşqçi ona timsah dərisindən çanta hədiyyə edəcəyini demişdi. Amma Rene bu iddianı uduzdu və bundan sonra amerikalı bir jurnalist ona "timsah" ləqəbini verdi.
1927-ci ildə illustrator Robert George bu gün bildiyimiz timsah loqosunu Lacoste üçün dizayn etdi. Hansı ki, bundan sonra digər markalar da köynəklərin (t-shirt) üzərində marka loqosunu yerləşdirməyə başladı. Renenin uğuru tək bununla kifayətlənmədi. Belə ki, o, 1925-1929-cu illər arasında tennis üzrə 5 dəfə Fransa çempionu, 2 dəfə "Wimbledon" çempionu, 2 dəfə də ABŞ çempionu oldu.

1933-cü ildə o, öz soyadını daşıyan geyim markasını yaratdı və ilk reklam kampaniyası ilə moda dünyasına güclü bir giriş etdi. Əvvəllər tennis səbəbilə yalnız ağ köynəklər istehsal edilsə də, 1951-ci ildən etibarən "Lacoste" markası rəngli köynəklərin də istehsalına başladı. Hazırda "Lacoste" markası köynəkdən əlavə, saat, ayaqqabı, ətir və bir çox geyim növləri də istehsal edir.

Telegramda izləyin