Bağçadan qaçan beş yaşlı uşağa 275 min dollar ödəniləcək - VİDEO

ABŞ-da polis uşaq bağçasından qaçan beş yaşlı oğlana 275 min dollar ödəyəcək.

Azyaşlı 14 yanvar 2020-ci ildə Merilend ştatında iki polis məmuru tərəfindən küçədə saxlanılıb. Məlum olub ki, bağçada münaqişə zamanı uşaq qrup yoldaşının və müəllimənin üzərinə taxta parçası ataraq müəssisədən qaçıb.

Polis onu qolundan tutaraq maşına sürükləyib. Oğlan getmək istəmədiyini qışqıraraq ağlamağa başlayıb.

Onu patrul maşını ilə yenidən müəssisəyə aparıblar. Orada administratorun iştirakı ilə polis ağlayan uşağı kresloya sıxaraq onu döyməklə hədələyib. Digər hüquq-mühafizə orqanı əməkdaşı isə uşağın əllərini buraraq qandallayıb.

Zərərçəkənin anasının vəkilləri hesab ediblər ki, polis beş yaşlı uşağa qarşı zorakılıq edib. Onunla kriminal şəxs kimi davranıblar.

Beləliklə də, məhkəmə uşağa 275 min dollar ödənilməsinə qərar verib. Bu pul həddi-büluğa çatana qədər onun hesabında qalacaq. Yalnız yetkinlik yaşına çatdıqdan sonra oğlan vəsaitdən yararlana biləcək.

Telegramda izləyin