"Alyonka" şokoladının üz qabığındakı qız 63 yaşında - Başına nələr gəldi? - FOTO-VİDEO

1966-cı ildə "Krasnıy Oktyabr" şirniyyat fabriki "Alyonka" adlı yeni şokoladını təqdim edib. Şokoladın üz qabığındakı mavi gözlü, başı örtüklü balaca qız uşağı alıcıların diqqətini cəlb edib və 60 ildən çox müddətdir ki, "Alyonka"nın simvolu kimi tanınır.

Lakin bu qızın şəkli ətrafında uzun zaman məhkəmə proseslərinin getdiyi barədə çox az adam bilir.

BiG.AZ oxuculara şirin qızcığaz barədə maraqlı məlumatları təqdim etmək istəyir.

Belə ki, 1959-cu ildə, Moskva şəhərində doğulan Yelena Gerinasın atası, fotomüxbir çalışan Aleksandr şəkil seçimi üçün müsabiqə haqqında eşidərək dərhal qızının fotosunu şokolad fabrikinə göndərir. Həmin kadrda Yelena 8 aylıqdır.

4 il axtarış edən fabrikdə rəssam Maslov şəklin üzərində işləyir və üz cizgiləri bir az dəyişildikdən sonra foto şokolad kağızının üz qabığı üçün seçilir.

Lakin bunun müqabilində nə qız, nə onun valideynləri heç bir qonorar almırlar.

2000-ci illərin əvvəlində artıq yaşlanan Yelena onun şəklini istifadə edən şirkəti məhkəməyə verərək 5 milyon rubl (təxminən 140 min manat) təzminat istəyir. Lakin mütxəssislər ekspertiza nəticəsində belə qənaətə gəlirlər ki, "Alyonka" bir neçə foto və şəkillərdən yığılan obrazdır. Bu səbəbdən Yelenanın iddiası rədd edilir.

Qəpik də ala bilməyən Gerinas ədalət axtarışlarından əl çəkib və bir daha məhkəməyə müraciət etməyib.

Hazırda o, həyat yoldaşı və iki övladı ilə Moskva vilayətində yerləşən Ximki şəhərində yaşayır və farmakologiya sahəsində çalışır.

"Alyonka"nın illər ərzində dəyişən üz qabıqları:

Telegramda izləyin