Özünü əvvəl İsa Peyğəmbər, sonra Şeytan adlandırdı və 5 yaşlı qızının gözü önündə AYAĞINI DOĞRADI

ABŞ-ın Arkanzas ştatında qandonduran hadisə baş verib: 48 yaşlı Şennon Koks 5 yaşlı qızının gözü önündə özünün sağ ayağını mişarla kəsib. O və 30 yaşlı həyat yoldaşı Sendi Koks uşağın həyatı və sağlamlığı üçün təhlükə yaratmaqda ittiham olunublar.

BiG.AZ xəbər verir ki, bu barədə "True Crime Daile" yazır.

Qorxunc olay ayqustun 2-də baş verib. Hadisə yerinə çağırılan polislər Şennonu evin qapısı önündə, çılpaq və sağ ayağının bir hissəsi kəsilmiş halda tapıblar.

Evə baxış zamanı polis əmkdaşları qanlı elektrik mişar aşkarlayıblar. Yerdə və divarda da qan izlərinin olduğu bildirilir.

Sonradan məlum olub ki, amputasiya prosesi kişinin 5 yaşlı qızının gözü önündə baş verib, uşağın anası Sendi isə həmin zaman evdə olmayıb.

Sorğu zamanı qadın bildirib ki, Şennon əvvəl özünü İsa Peyğəmbər adlandırıb və Sendini Allahla münasibətlərini düzəltməyə çağırıb, daha sonra isə aqressivləşib və özünün Şeytan olduğunu deyib.

Aqressivləşən kişinin həyat yoldaşı rəfiqəsinin evinə köçüb. Qızını qeyri-adekvat əri ilə niyə tək qoyduğu barədə suala isə Sendi "Onun məni öldürəcəyindən qorxurdum, qızıma görə isə nigaran deyildim, çünki heç vaxt ona zərər yetirməyib" cavabını verib.

Avqustun 3-də qız Uşaqların Müdafiəsi Mərkəzinə yerləşdirilib. Mərkəzin əməkdşlrının sözlərinə görə, uşaq şok vəziyyətində olub və baş verənlər barədə danışmaq istəməyib.

Sentyabrın 8-də Şennon və Sendi azyaşlı üçün təhlükə yaratmaqda ittiham olunub, lakin 10 min dollar girov müqabilində azadlığa buraxılıblar. Onların növbəti məhkəmə iclası gələn ay keçiriləcək.

Telegramda izləyin