43 ildə 53 dəfə evləndi - Hüzur axtarışında - FOTO-VİDEO

Səudiyyə Ərəbistanından olan 63 yaşlı Əbu Abdullah 43 il ərzində 53 qadınla evli olub.

BiG.AZ xəbər verir ki, bu barədə "Times Now News" yazır.

Bu yolla Abdullah ona hüzur verəcək qadını tapmağa çalışdığını deyib:

"Mən ilk dəfə evləndikdə ikinci xanım barədə düşünmürdüm, çünki özümü rahat hiss edirdim və övladlarım var idi. Lakin bir neçə il sonra münasibətlərimizdə problemlər yarandı və mən yenidən ailə qurmaq istədim".

Xanımları arasında münaqişələr baş verdikdə Abdullah onların ikisini də boşayaraq digərləri ilə ailə qurub.

43 il ərzində o, dəfələrlə evlənib və boşanıb. Kişinin əksər xanımları Səudiyyə Ərəbistanından olub. Lakin digər ölkələrə işgüzar səfərləri zamanı Abdullah xarici qadınlarla da evləndiyini etiraf edib.

Çox sayda evlilikləri olduğu üçün ona "əsrin poliqam kişisi" adı verilib.

Nəhayət, illər sonra Abdullah özünü onunla xoşbəxt hiss etdiyi həyat yoldaşını tapa bilib. Hazırda o, cəmi bir qadınla evlidir və yenidən ailə qurmağı düşünmür.

"Hər kişi cəmi bir qadınla bir ömür yaşamağı arzulayır. Sabitlik və hüzuru təkcə gənc xanımla deyil, yaşlı qadınla da tapmaq mümkündür", - deyə Abdullah fikrini bildirib.

Telegramda izləyin

instagramda izləyin