Bu il 5 milyarddan çox telefon zibilliyə atılacaq

Bu il ümumilikdə 5,3 milyard mobil telefon zibilliyə atılacaq.

Sonxeber.az lent.az-a istinadən bildirir ki, 2030-cu ilə qədər isə poliqona hər il təxminən 74 milyon ton elektronika və elektrik texnikası göndəriləcək.

Belə bir hesablamanı tullantı elektronika və elektrik cihazları (WEEE) üzrə beynəlxalq forumun iştirakçıları aparıb.

Qeyd olunur ki, qlobal satış statistikası əsasında hazırlanmış WEEE proqnozu "elektron tullantıların" ətraf mühitə yaratdığı nəhəng problemi aydın şəkildə nümayiş etdirir.

Tədqiqatçılar müəyyən ediblər ki, insanlar telefonlarını təkrar emal etməkdən çəkinirlər, bu o deməkdir ki, qiymətli metallar - batareyalardakı kobalt və ya elektrik naqillərindəki mis - yeni telefonlar üçün yenidən hasil edilməli olacaq.

WEEE-nin baş direktoru Paskal Lerua deyib: "Əksər insanlar bu kiçik əşyaların hər birinin özünəməxsus dəyərə malik olduğunu başa düşmürlər".

Bu gün dünyada cəmi 16 milyarda yaxın mobil telefon var. Üstəlik, məsələn, Avropada demək olar ki, hər üçüncü cihazdan uzun müddət istifadə olunmur.

Telegramda izləyin