Zürafə bir yaşlı qızı öldürüb, anasını xəstəxanalıq etdi - FOTO

Cənubi Afrika Respublikasında, Durban şəhərinin yaxınlığında "Kuleni Game Park" qoruğunda faciə baş verib: zürafə 25 yaşlı qadını xəstəxanalıq edib, onun bir yaşlı qızını isə öldürüb.

Sonxeber.az xəbər verir ki, bu barədə "The Mirror" yazır.

Belə ki, oktyabrın 19-da qadın və 16 aylıq qızı zürafənin hücumuna məruz qaldıqdan sonra xəstəxanaya yerləşdiriliblər. Həkimlərin səyinə baxmayaraq, uşağı xilas etmək mümkün olmayıb, ağır xəsarətlər alan qadının vəziyyəti isə kritikdir.

Xatırladaq ki, oxşar hadisə Cənubi Afrikada 2018-ci ildə də baş verib. Həmin zaman 36 yaşlı britaniyalı alim, doktor Keti Uilyams və onun 3 yaşlı oğlu Finn öz balasını qorumağa çalışan zürafənin hücumu nəticəsində ağır xəsarət alıblar. Bir ay komada qaldıqdan sonra uzun müalicə alan ana-bala ölümdən canlarını qurtara bilib.

Qeyd edək ki, zürafələrin hündürlüyü 6 metrədək, çəkisi isə 1,2 tonadək çata bilir. Hücum zamanı heyvan cəmi bir zərbə ilə insanı ölümcül yaralaya bilər.

Natəvan Baxşiyeva

Telegramda izləyin