Azərbaycanlı,erməni və gürcü tələbədən bəhs edən serial yayımlanıb

Azərbaycanlı,erməni və gürcü tələbənin macəralarından bəhs edən "Dolma Diaries"(Dolma Gündəlikləri) internet serialı böyük marağa səbəb olub.

Sonxeber.az xəbər verir ki, "Dolma gündəlikləri" ilk bölümünü yayımlayıb. Serial Berlində eyni evdə yaşayan erməni,azərbaycanlı,gürcü olmaqla 3 tələbədən bəhs edir.
Ssenarist tələbələrin timsalında bu üç Qafqaz xalqının yola getməsələr də bir-birlərinə nə qədər bənzədiklərini vurğulayır. Tələbələr valideynləri ilə videogörüntülü danışarkən onlar narahat olmasınlar deyə ev yoldaşlarını fransız,ispan kimi təqdim edirlər. Valideynləri isə "necə də bizim millətə bənzəyirlər" deyə təəccüblənirlər. Həmçinin tələbələrin "mənim ölkəm daha qədimdir, daha yaxşıdır" kimi mübahisələri serialda yer alıb.

Qeyd edək ki, serial ictimai fəalların təşəbbüsü ilə çəkilib. 2019-cu ildə serialın istehsalının reallaşdırılması uğursuz olub. 2020-ci ildə birinci epizodun çəkilişləri İkinci Qarabağ müharibəsi səbəbindən istehsal təxirə salınıb.Nəhayət 2021-ci ilin yayında serial çəkilib və hazırda yayımlanır.
Serialın ilk bölümünü sizə təqdim edirik:

Şəbnəm Lətifi

Telegramda izləyin