"Titanic" filminin sonu ilə bağlı mübahisə başa çatdı: Cek ölməli idi

"Titanic" filminin rejissoru Ceyms Kameron filmin finalı ilə bağlı müzakirələrə son qoymaq üçün elmi araşdırmalar apardıqlarını açıqlayıb.
Sonxeber.az xəbər verir ki, Kemeronun açıqlamasına görə, Leonardo Di Kaprionun canlandırdığı Cek obrazının ölümü qaçılmaz olub.
"Titanic" filminin qəhrəmanları Cek və Roza gəmi batdıqdan sonra suya düşdülər və Cek Rozu gəmidən qopmuş qapının üstündən keçirtdi. Roza sağ qaldı, lakin Cek şaxtalı soyuqda öldü.

Filmin əfsanəvi final səhnəsi 20 ildən artıq bir mübahisəyə səbəb olub.

Qapının hər ikisini daşımaq üçün kifayət qədər böyük olduğu deyilir. Hətta sosial şəbəkələrdə mövzunu ələ salan zarafatlar da paylaşılıb.

Lakin filmin rejissoru Cekin (Leonardo DiCaprio) hadisədən sağ çıxa biləcəyi ilə bağlı fərziyyələrə son qoyub.

Kameron qapının hər ikisini daşıya bilməyəcəyini göstərmək üçün araşdırması apardığını deyib.

"Biz bütün bunları bir kənara qoymaq və mübahisələrə son qoymaq üçün elmi araşdırma apardıq. Biz Keyt və Leo ilə eyni bədən kütləsinə malik olan iki dublyordan istifadə etdik və onların hər tərəfinə sensorlar yerləşdirdik. Onları buzlu suyun içinə qoyduq və müxtəlif üsullardan istifadə edərək sağ qala biləcəklərini yoxladıq və cavab belə oldu ki, heç bir yol yoxdur. Biri ölməli idi" ,- deyə rejissor qeyd edib.
Elmi araşdırmanın nəticələri "Titanic"in 25 illik yubileyi ilə bağlı sənədli filmdə paylaşılacaq.
Şəbnəm Lətifi

Telegramda izləyin