Azərbaycanda "Twitter" niyə çökdü? - AÇIQLAMA - YENİLƏNİB

11:06

Tvitter-də yaranan problem mikrobloqlar şəbəkəsinin Azərbaycan seqmenti ilə əlaqəli deyil.

Azvision.az xəbər verir ki, bu barədə Rabitə və Yüksək Texnologiyalar Naziriyinin yaydığı məlumatda bildirilib.

Qeyd edilib ki, bu gün səhər saatlarında Bakı vaxtı ilə, 10:07 radələrində Tvitter mikrobloqlar şəbəkəsində qeydə alınan nasazlıq Azərbaycan seqmenti ilə əlaqəli deyil. Sosial şəbəkədə yaranan nasazlıq qlobal xarakter daşıyıb və dünyanın bir çox ölkələrini əhatə edib. www.twitter.com saytında qeydə alınan texniki fasilə ilə bağlı ayrı-ayrı ölkələrin istifadəçiləri tərəfindən yaradılmış "hashtag"lar top trend olub.

Tvitter-in istifadəçiləri sosial şəbəkənin işində kəsinti olduğu haqda məlumatları paylaşmaqda davam edir.

Məlumata görə, istifadəçilər mikrobloqlar xidmətinin heç bir səhifəsini aça bilmirlər.

Saat 10:15-dən etibarən xidmət yenidən əlçatan olub. Tvitter rəhbərliyi bu barədə hələ ki heç bir məlumat verməyib.

----------

10:33

Azərbaycanda Tvitter sosial şəbəkəsinin xidmətlərindən istifadədə çətinliklər yaranıb.

Sonxeber.az APA-ya istinadən xəbər verir ki, çətinliklər Bakı vaxtı ilə 10:00 radələrindən müşahidə olunur.

"Downdetector" monitorinq resursu problemin olduğunu təsdiqləyib.

Bununla yanaşı, Tvitter-in Feysbuk sosial şəbəkəsindəki rəsmi akkauntunda problemlə bağlı istifadəçilərin şikayətləri yer almaqdadır.

Rabitə və Yüksək Texnologiyalar Nazirliyi Elektron Təhlükəsizlik Mərkəzindən APA-ya bildirilib ki, problem şirkət daxilindədir.

20 dəqiqə sonra problem aradan qaldırılıb və sosial şəbəkədən tam istifadə etmək mümkündür.

Şirkət problemin səbəbini açıqlamır.

Telegramda izləyin