Ekzotik sürünən bir qitədən digərinə 8000 kilometr "uçdu" - FOTO

Böyük Britaniyadan olan cütlük Tanzaniyadakı tətildən sonra evə gələrək çamadanında gekkon balası tapıblar.

BiG.AZ xəbər verir ki, bu barədə "BBC News" yazır.

Cütlük İngiltərənin Ueykfild şəhərinə qayıtdıqda çamadanda sikkə boyda kərtənkələ aşkar ediblər. Baqajın içindən çıxan ekzotik sürünən turistlərlə birlikdə 8000 kilometr uçub və aşkarlanana qədər çamadanda daha dörd gün qalıb.

Cütlük dərhal müvafiq qurumlara müraciət edib. Bildirilib ki, gekkonlar İngiltərədəki temperaturlara dözməyəcək və müəssisələrə, zooparklara və ya vəhşi təbiət parklarına köçürülməlidir.

Qeyd edək ki, bundan sonra kərtənkələ "Reptilia Exotic Animal Rescue" şirkətinə aparılıb. Burada mütəxəssislər ona qulluq edir. Gekkonun çamadanda belə uzun bir səyahətdən sağ çıxması heyrətamizdir. Tapılana qədər orada daha dörd gün qalması sadəcə inanılmazdır.

"Reptilia Exotic Animal Rescue" şirkətinin nümayəndəsi qeyd edib ki, mərkəzdə gekkondan başqa təsadüfən müxtəlif qitələrdən gətirilən bir neçə başqa heyvan da var. Bu heyvan da məskunlaşdıqdan və karantin dövründən sonra vətəninə qayıtmağa hazır olacaq.

Telegramda izləyin