Otaqda səsyazma cihazının olduğunu necə bilmək olar?

Otağınızda gizli səsyazma cihazının olduğunu mobil telefon vastəsilə müəyyən etmək olar.

BiG.AZ xəbər verir ki, bunu "İT-Rezerv" şirkətinin direktoru Pavel Myasoyedov "Praym" agentliyinə açıqlamasında deyib.

Bu, müasir telefonların müxtəlif sensorlar, o cümlədən mikrofon və kamera ilə təchiz olunduğuna görə mümkündür. Lakin ilk öncə otaqda qeyri-adi obyektlərin, kabellərin, şüşə səthlərdə şübhə doğuracaq dəyişkliklərin olub-olmadığını yoxlamaq lazımdır.

Şübhələndiyiniz zona qeyri-şəffaf səthin arxasındadırsa, işlək "Bluetooth" dinamiki və ya radiodan istifadə edə biləriniz. Səsdəki nasazlıq səsyazma cihazının varlığına işarə edə bilər.

Gizli kameraları da smartfon vasitəsi ilə aşkar etmək olar. Bunun üçün otaqda işıqları söndürmək və fənəri bütün künclərə tutmaq lazımdır. Haradasa işıq sınırsa, həmin yerdə kameranın olma ehtimalı var.

Gizli kamerada gecə çəkilişi funksiyası varsa, deməli, içinə infraqırmızı lampa quraşdırılıb. Bu lampa tam qaranlıqda, yaxud mobil telefonun kamerasında görünür.

Qeyd edək ki, şübhəli radiosiqnallar aşkarlandıqda özbaşına cihazı tapıb məhv etmək əvəzinə, təhlükəsizlik sahəsində mütəxəssislərə müraciət etməyiniz məsləhətdir.

Telegramda izləyin