"Google"dən istifadəçilərə MÜRACİƏT: "Chrome"u təcili yeniləyin

"Google" təhlükəli zəifliyi aradan qaldıran "Chrome"un masaüstü versiyası üçün təcili yamaq buraxıb.

Təcavüzkarların qüsurdan istifadə etməsi halları artıq məlum olduğu üçün şirkət versiyanı mümkün qədər tez yeniləməyi xahiş edir.

"Bleeping Computer"in ekspertləri bu barədə xəbərdarlıq ediblər.

Ekspertlərin sözlərinə görə, sistemdəki boşluğun ilin əvvəlindən mövcud olacağı ehtimal edilir. Onun köməyi ilə hakerlər "Chrome" axtarış sistemindən istifadə edən istifadəçilərin kompüterinə və ya smartfonuna casus proqramlar yeridə bilərlər.

CVE-2023-2033 kod adlı zəifliklər ən yüksək təhlükə səviyyəsi müəyyən edib. "Google" qeyd edib ki, təhlükəsizlik səbəbi ilə zəifliyin texniki təfərrüatlarını paylaşmayacaqlar - bu, "Chrome" sahiblərinə brauzerlərini yeniləmək üçün kifayət qədər vaxt verir.

Şirkətin mütəxəssislərinin aydınlaşdırdığı kimi, siz "Google Chrome"u Parametrlər vasitəsilə yeniləyə bilərsiniz - Chrome haqqında. Brauzer Windows, Linux və Mac-də 112.0.5615.121 versiyasına yenilənməlidir. Chromium mühərrikində işləyən Edge, Brave və digər brauzerlərin istifadəçilərinə də proqram yeniləmələrini yoxlamaq tövsiyə olunur.

Əlavə etmək lazımdır ki, "Google" birləşdirilmiş bütün platformalarda istənilən digər brauzeri qabaqlayır. 2023-cü ilin mart ayında "Chrome" bazarın 64,8 faizinə sahibdir. İkinci ən populyar brauzer 19,5 faizlə "Apple Safari"dir. İlk üçlüyü 4,6 faiz bazar payı ilə "Microsoft Edge" qapayır. Dördüncü və beşinci yerləri 2,93 faizlə "Firefox" və 2,57 faiz payla "Samsung Internet" mobil brauzeri tutur.

Telegramda izləyin