"Telepuziklər"dəki "Günəş uşaq" böyüyüb belə oldu - 26 il sonrakı HALI - FOTO-VİDEO

İlk bölümü 1997-ci ildə yayımlanan "Telepuziklər" uşaq serialındakı "Günəş uşaq" son halı ilə görənləri təəccübləndirib.

BİG.AZ xəbər verir ki, bu rolu Cessika Smit adlı qız cəmi 1 yaşında oynayıb.

Cessikanın özü yalnız 19 yaşı olduqda sükutu pozaraq bu barədə "Facebook" səhifəsində paylaşım edib.

Onun sözlərinə görə, hələ 1996-cı ildə doğum evində olarkən kastinq üzrə menecer palataya daxil olub və bir neçə foto çəkərək gedib. Çəkilişlərə dəvəti isə Smit ailəsi yalnız Cessika 9 aylıq olduqda alıb.

Çəkilişlər zamanı Cessika "Günəş" kimi yuxarıdan aşağı baxması üçün hündür stula otuzdurulub, atası Bill isə yerdə oturaraq onu güldürməyə çalışıb. Bütün proses cəmi 20 dəqiqə çəkib.

Uşağın kameraya baxaraq gülməsi üçün valideynlərinə 250 funt sterliq (təxminən 530 manat) ödənilib, Cessikanın özünə isə bir qutu oyuncaq hədiyyə olunub.

Cessika yaş yarımlıq olan zaman, serialın ilk epizodu ekranlara çıxdıqda ailə çox az pul aldığını anlayıb. Qızın anası Enji Smit mətbuata açıqlamasında serialın bu dərəcədə şöhrət qazanacağı barədə düşünmədiklərini etiraf edib.

Cessikanın özü isə şöhrət dalıyca qaçmır və təvazökarlığından verilişlərə aldığı çoxsaylı dəvətləri də qəbul etmir. Hazırda o, rəqs dərsləri verməklə məşğuldur.

Telegramda izləyin