Göbələklər neft hazırlaya bilər

Göbələklərin bir çox istedadı var. Məsələn, qurdları ovlaya, həşəratları zombiləşdirə və dondurmanın tərkib hissəsi ola bilirlər. Lakin, Montana Dövlət Universitetinin alimlərinin Cənubi Amerikadakı Pataqoniya tropik meşələrində təsadüfən bitki tullantılarını neftə çevirə biləcək bir növü kəşf edəcəkləri heç şübhəsiz ki, gözlənilmirdi.

Gliocladium roseum adlanan göbələk ağaclarda parazitlik edir. O, qidalanma zamanı sellülozanı sözün əsl mənasında yanan karbohidrogenlərə çevirir. Bu göbələyi yetişdirmək və təkmilləşdirmək mümkün olsa, bəşəriyyət tullantılardan ucuz, keyfiyyətli yanacaq yarada biləcək.

Gliocladium roseum alimləri neftin mənşəyi nəzəriyyəsini yenidən nəzərdən keçirməyə məcbur etdi. Onun tonlarla lil və qumun altında basdırılmış qədim mikroorqanizmlərin, yosunların milyonlarla il yüksək temperatur və təzyiqə məruz qalması nəticəsində əmələ gəldiyi güman edilir./BiG.AZ

Telegramda izləyin