Paşinyan Ermənistanın yəhudi icmasını milli bayram münasibətilə təbrik edib

Ermənistanın Baş nazir Nikol Paşinyan şənbə günü Ermənistanın yəhudi icmasını yəhudilərin Yeni ili olan Roş-Ha-Şana münasibəti ilə təbrik edib.

Sonxeber.az xəbər verir ki, təbrik nitqi Baş Nazirlik tərəfindən dərc olunub.

"Hörmətli Ermənistanın yəhudi icmasının nümayəndələri, sizi yəhudilərin Yeni ili, Roş-Haşana münasibətilə ürəkdən təbrik edirəm. Qoy qarşıdan gələn yeni il Ermənistandakı yəhudi vətəndaşlarımız və bütün yəhudi xalqı üçün sülh, quruculuq və yeni nailiyyətlər ili olsun. Qoy yəhudi icması bütün Ermənistan xalqı ilə birlikdə heç vaxt milli və dini ayrı-seçkilik və ya ksenofobiya kimi anti-insani hadisələrlə üzləşməsin, erməni və yəhudi xalqlarının dostluğu və əməkdaşlığı bundan sonra da inkişaf etsin və daha da möhkəmlənsin.

Sizi Roş-Ha-Şana bayramı münasibətilə bir daha təbrik edir, hamınıza ən xoş arzularımı, cansağlığı və xoşbəxtlik arzulayıram",- deyə o bildirib.

Telegramda izləyin