Cənubi Koreya Şimali Koreyanın silah ticarəti ilə əlaqəli 10 şəxs və 2 quruma sanksiya tətbiq edib

Cənubi Koreya Şimali Koreyanın Rusiya da daxil olmaqla ölkələrlə qanunsuz silah ticarəti ilə əlaqəsi olduğu iddia edilən 10 şəxs və 2 quruma birtərəfli sanksiya tətbiq etmək qərarına gəlib.

Sonxeber.az xəbər verir ki, Cənubi Koreya Xarici İşlər Nazirliyindən verilən açıqlamada, bu qərarın prezident Yoon Suk Yeol vəzifəyə gəldikdən sonra Pxenyan rəhbərliyinə qarşı qəbul edilən 12-ci birtərəfli sanksiya qərarı olduğu bildirilib.

Açıqlamada Şimali Koreyanın Rusiya da daxil olduğu ölkələrlə "qanunsuz silah ticarəti" ilə məşğul olduğu iddia edilən 10 şəxs və 2 quruma birtərəfli sanksiyaların tətbiq edildiyi bildirilib.

Pxenyan administrasiyasına qarşı birtərəfli sanksiyalar siyahısına əlavə edilənlər arasında Şimali Koreyanın müdafiə naziri Kanq Sun Nam və Şimali Koreyanın keçmiş Baş Qərargah rəisi Pak Su-il də var. Sanksiya siyahısına daxil edilən iki qurumun Slovakiyada yerləşən "Versor SRO" və "Glocom" şirkətləri olduğu açıqlanıb.

Nazirlik qeyd edib ki, Şimali Koreyanın nüvə və raket inkişaf proqramları, eləcə də silah ticarəti kimi qanunsuz fəaliyyətlərinə qarşı möhkəm və ehtiyatlı yanaşmanı planlaşdırır.

Prezident Yoon 2022-ci ilin mayında vəzifəyə başlayandan bəri Şimali Koreyaya qarşı sanksiya siyahısına ümumilikdə 64 şəxs və 53 qurum əlavə edilib.

Telegramda izləyin