33 il sonra... Vəhşicəsinə qətl törədən qatil edam edildi

ABŞ-ın Oklahoma ştatında 33 il əvvəl 21 yaşlı Culi Buskeni vəhşicəsinə qətlə yetirən Entoni Sançez edam edilib.

BiG.AZ xarici mənbəyə istinadən xəbər verir ki, Oklahoma ştatının cəzaçəkmə müəssisəsi qətldə təqsirli bilinən Antoni Sançesin 10:19-da edam edildiyini açıqlayıb. Bildirilib ki, qətldə təqsirli bilinən Sançes qadını öldürülməsi ilə heç bir əlaqəsi olmadığını iddia etsə də, amnistiya üçün müraciət etməyib.

Edam edilməzdən əvvəl "Associated Press" (AP) ilə telefon danışığında günahsız olduğunu deyən Sançez tapılan DNT-nin saxta olduğunu və ona aid olmadığını iddia edib. Digər tərəfdən, Oklahoma Baş prokuroru Gentner Drummond, DNT sübutlarının Sançesin cinayət əməli ilə uyğunluğunu qeyd edib.

Qeyd edək ki, 20 dekabr 1996-cı ildə Culi Busken zorlanıb. O, yaşayış binasının dayanacağından qaçırıldıqdan sonra başından güllələnmiş şəkildə ölü tapılıb.

Telegramda izləyin