İsrail ordusu Nablus şəhərinə basqın edərək bir evi mühasirəyə alıb

İsrail ordusu işğal altındakı İordan çayının qərb sahilindəki Nablus şəhərinə basqın edərək fələstinlilərin evini mühasirəyə alıb.

Sonxeber.az xəbər verir ki,şahidlərdən alınan məlumata görə İsrail əsgərlərinin Nablus şəhərinə basqın edərək şəxsiyyəti hələlik məlum olmayan bir fələstinlinin evini mühasirəyə almasından sonra İsrail əsgərləri ilə fələstinlilər arasında dava düşüb.

İsrail qüvvələri onlara cavab verən fələstinlilərə real və rezin güllələrlə müdaxilə edib.

İsrail ordusu ilə silahlılar arasında atışma və partlayış səsləri eşidilib.

İşğal altındakı İordan çayının qərb sahili İsrail ordusunun basqınları və yəhudi məskunlaşanların hücumları və hüquqlarının pozulması səbəbindən aylardır ciddi gərginliyə səhnə olub.

Telegramda izləyin