Bayden eyni hekayəni iki dəfə təkrar danışdı - VİDEO

ABŞ Prezidenti Co Bayden onun seçki kampaniyasına sponsorluq edən şəxslərlə yarıqapalı görüş zamanı bir neçə dəqiqə fərqlə eyni hekayəni iki dəfə danışıb.

Görüş zamanı Bayden yenidən ABŞ prezidenti seçilmək planlarını da açıqlayıb.

Amerika liderinin sözlərinə görə, keçmiş Prezident Barak Obamanın administrasiyasında işləyərkən onun Birləşmiş Ştatlara rəhbərlik etmək kimi bir niyyəti olmayıb, lakin ABŞ-də ifrat sağçı qüvvələrin 2017-ci ilin avqust ayında Şarlotsvill şəhərində keçirilən mitinqindən sonra fikrini dəyişib.

"2017-ci ildə Şarlotsvilldə, 1930-cu illərin əvvəllərində Almaniyada olduğu kimi, zorakı, antisemit çıxışlar edən svastikalı həmən insanları xatırlayırsınız? Həmin vaxt bir qız da ölmüşdü", - deyə Co Bayden xatırladıb.

Lakin bu nitqinin üstündən heç bir neçə dəqiqə keçməmiş C.Bayden eyni fikirləri yenidən təkrarlayıb./Oxu.az

Telegramda izləyin

instagramda izləyin