Maraqlı hadisə: Kukla asayişi pozduğu üçün həbs edildi

Kino dünyasında qorxu və triller dedikdə ilk ağıla gələn filmlərdən biri olan "Uşaq oyunu (Çakki)"nin personajı, dünyaca məşhur körpə Çakinin əli Meksikada qandallanıb.

BiG.AZ xarici mənbəyə istinadən xəbər verir ki, polislər Meksikanın şimalındakı bir qəsəbədə sahibi ilə birlikdə saxlanılan kuklanın saçından tutaraq şəkil çəkərkən cibində bıçaq görünüb. Kuklanın bıçaq daşıdığını görə əlləri qandallanıb.

Kuklanın sahibi olan Karlos N adlı kukla ustasının insanları qorxutmaq və pul tələb etmək üçün "şeytan kukla"dan istifadə etdiyi iddia edilib. Hər iki "şübhəli" "asayişi və əmin-amanlığı pozmaqda" və "başqalarının təhlükəsizliyini qəsdən təhlükəyə atmaqda" ittiham edilib.

Ölkə mətbuatı növbətçi zabitlərdən birinin Çakidən götürdüyü uzun bıçağı qaldırarkən güldüyünü, körpənin əlinə qandal bağlayan məmura isə daha sonra işinə ciddi yanaşmadığı üçün xəbərdarlıq edildiyini yazıb.

Dindirilməsi başa çatan Karlos "N" sərbəst buraxılsa da, kuklasının harada olduğu bilinmir. Polislərin verdiyi məlumata görə, kukla nəzarətə götürülüb.

Telegramda izləyin