İsrail ordusu universitetə ​​basqın edib

İsrail ordusu işğal altındakı İordan çayının qərb sahilindəki Birzeit Universitetinə basqın edərək çoxlu tələbəni saxlayıb.

Sonxeber.az xəbər verir ki, bu barədə Birzeit Universitetindən açıqlamada verilib.

"İşğal ordusundan böyük bir birlik səhər tezdən universitet şəhərciyinə basqın edərək çoxlu tələbəni saxlayıb və universitetin əmlakına ziyan vurub" ,- deyə bildirilib.

İsrail ordusunun şəhərcikdə həyata keçirdiyi basqını və həbsləri pisləyən bəyanatda sözügedən basqının universitet və təhsil müəssisələrinin müqəddəsliyi ilə yanaşı, bütün beynəlxalq norma və konvensiyalara zidd olduğu vurğulanıb.

Reyd zamanı universitetin ətrafında 20-yə yaxın İsrail hərbi maşını olub.

İsrail qüvvələrinin bu səhər İordan çayının qərb sahilindəki Nur Şəms Qaçqınlar Düşərgəsinə təşkil etdiyi basqında 2 fələstinli şəhid olub, bir İsrail əsgəri yaralanıb.

Telegramda izləyin