Husilərin hücumunda həlak olan Bəhreyn əsgərlərinin sayı 3-ə çatıb

Bəhreyn bir gün əvvəl husilərin Yəmən sərhədində həyata keçirdiyi hücumda yaralanan Səudiyyə Ərəbistanının daha bir əsgərinin öldüyünü açıqlayıb.

Sonxeber.az xəbər verir ki, Bəhreynin rəsmi agentliyi BNA-nın xəbərinə görə, Bəhreyn Müdafiə Qüvvələri Baş Komandanlığı məsələ ilə bağlı yazılı açıqlama verib.

Açıqlamada, husilərin 25 sentyabrda Yəmən sərhədində Səudiyyə Ərəbistanı ərazisinə pilotsuz uçuş aparatı (PUA) ilə həyata keçirdiyi hücumda yaralanan əsgərin həyatını itirdiyi qeyd edilib.

Bununla da husilərin hücumunda həlak olan bəhreyn əsgərlərinin sayı 3-ə çatıb.

Bəhreyn Müdafiə Qüvvələri Baş Komandanlığının verdiyi məlumata görə, sentyabrın 25-də husilərin Yəmən sərhədində Səudiyyə Ərəbistanı ərazisində ərəb koalisiya qüvvələrinin tərkibində xidmət edən bəhreyn əsgərlərinin mövqelərinə PUA-nın hücumu nəticəsində 2 əsgər şəhid olub, bəzi əsgərlər yaralanıb. .

Açıqlamada husilərin hücumunun Yəməndə müharibə edən tərəflər arasında hərbi əməliyyatların dayandırılmasına baxmayaraq baş verdiyi vurğulanıb.

Yəməndə İranın dəstəklədiyi husilər 2014-cü ilin sentyabrından paytaxt Səna və bəzi bölgələrə nəzarət edir.

Səudiyyə Ərəbistanının rəhbərlik etdiyi koalisiya qüvvələri 2015-ci ilin mart ayından husilərə qarşı Yəmən hökumətinə dəstək verir.

Səudiyyə Ərəbistanı və Oman Yəməndə 9 ildir davam edən böhrana son qoyacaq hərtərəfli saziş hazırlamaq üçün aylardır Yəmən hökuməti ilə husilər arasında vasitəçilik edir.

Telegramda izləyin